بڑی اُمید ہے سرکارﷺ قدموں میں بُلائیں گے​

0
106
Barri Umeed Hai Sarkar Qadmoon Mein Bulauin Gay
بڑی اُمید ہے سرکارﷺ قدموں میں بُلائیں گے​​

بڑی امید ہے سرکار قدموں میں بلائیں گے
کرم ہوگا کبھی ہم پر، مدینے ہم بھی جائیں گے

نظر میں اس کے جلوے عرشِ اعظیم کے سمائیں گے
درِ سرور پہ جو سجدے عقیدت کے لُٹائیں گے

دلوں میں جو دئیے ان کی محبت کے جلائیں گے
یقیناً وہ سراغِ منزل مقصود پائیں گے

اگر جانا مدینے میں ہوا ہم غم کے ماروں کا
مکینِ گنبدِ خضرا کو حالِ دل سنائیں گے

گنہگاروں میں خود آ آکے ہوں گے پارسا شامل
شفیعِ حشر جب دامانِ رحمت میں چھپائیں گے

قیامت تک جگائیں گے نہ پھر منکر نکیر اُن کو
لحد میں وہ جنہیں اپنا رُخِ زیبا دکھائیں گے

قسم اللہ کی مجھ کو، وہ منظر دیدنی ہوگا
قیامت میں رسول اللہ جب تشریف لائیں گے

اُدھر برسے گا بارانِ کرم میدانِ حشر میں
جدھر بھی رحمتِ عالم نگاہوں کو اٹھائیں گے

غمِ عشقِ نبی سے ہوگا جب معمور دل نیّر
تیرے ظلمت کدے میں بھی ستارے جگمگائیں گے

LEAVE A REPLY

Please enter your comment!
Please enter your name here